Како да постапите ако некој се заканува дека ќе ги сподели вашите интимни слики?
Не сте сами
Дали сте загрижени дека некој може да ги сподели вашите интимни слики онлајн? Дали ова веќе ви се случило?
Тука сме да ви помогнеме
Како функционира StopNCII?
Линијата за помош за „одмаздничка порнографија“ (Revenge Porn Helpline – RPH) е основана во 2015 година, и таа им има помогнато на илјадници жртви на неконсензуална злоупотреба на интимни слики.
Што е StopNCII.org?
StopNCII.org е бесплатна алатка осмислена да им помогне на жртвите на неконсензуална злоупотреба на интимни слики (NCII).
Алатката функционира така што генерира хаш од вашите интимни слики/видеа. Потоа, StopNCII.org го споделува хашот со партнерските компании за тие да помогнат во откривањето и отстранувањето на сликите за да не се споделуваат онлајн. Дознајте повеќе за алатката и партнерските компании.
Хаширањето слики е процес при кој со помош на алгоритам се доделува уникатна хаш-вредност на сликата. Сите идентични копии на сликата имаат иста хаш-вредност. Поради тоа, понекогаш се нарекува „дигитален отпечаток“.
За да дознаете повеќе, посетете ја страницата „Како функционира?“.
Со стапка на отстранување од над 90 %, RPH успешно отстрани од интернет над 300.000 индивидуални неконсензуални интимни слики.
Со StopNCII.org управува Revenge Porn Helpline, која е дел од SWGfL, непрофитна добротворна организација со меѓународна репутација чија мисија е да се осигури дека сите можат безбедно да имаат корист од технологијата. Основана во 2000 година, SWGfL соработува со бројни партнери и засегнати страни ширум светот за да ги заштити луѓето на интернет.
Линијата за помош за „одмаздничка порнографија“ (Revenge Porn Helpline – RPH) е основана во 2015 година, и таа им има помогнато на илјадници жртви на неконсензуална злоупотреба на интимни слики.
Запомнете, сите ваши чувства се важни. Вие сте жртва на злоупотреба.
Ја штитиме вашата приватност
Алатката генерира хашови (дигитални отпечатоци) на сликите што ги избирате директно на вашиот уред. Овој хаш (отпечаток) е единствената датотека што се споделува со StopNCII.org и партнерските компании. За да ја заштити вашата приватност, StopNCII.org не ги презема вашите слики и собира само минимални податоци потребни за функционирањето на услугата.
Кој може да користи алатката StopNCII.org?
Можете да ја користите алатката StopNCII.org. ако ги исполнувате следниве услови.
Дали сте:
- Лицето кое е на сликата? (Зошто ве прашуваме ова?)
- Дали сте имале 18 години или повеќе кога била направена сликата?
- Дали во моментов имате над 18 години? (Зошто ве прашуваме ова?)
- Дали сѐ уште ја имате сликата или видеото?
- Дали на сликата/видеото сте голи, полуголи или се впуштате во сексуален чин?
Доколку сите овие услови важат за вас и сте подготвени, можете да продолжите со користење на алатката StopNCII. Кликнете на „Креирајте го вашиот случај“.
Ако не ги исполнувате сите критериуми, сѐ уште може да добиете помош. Кликнете овде за повеќе информации.
„Воодушевени сме поради најавата дека Линијата за помош за „одмаздничка порнографија“ (Revenge Porn Helpline) на Обединетото Кралство ќе ја активира алатката StopNCII.org. Sarvodaya-Fusion работи кон поттикнување позитивна и безбедна култура на интернет. Развојот на напредни технолошки решенија како механизми за следење и спречување злоупотреба или експлоатација преку интимни слики на социјалните мрежи ќе ја зголеми довербата, ќе поттикне сигурност и ќе го направи онлајн просторот побезбеден за сите.“
Sarvodaya Fusion
Шри Ланка
„StopNCII.org е иновативна алатка за спречување на ширењето на NCII со минимални ризици за приватноста низ различни онлајн платформи. Таа обезбедува сигурност за жртвите и за сите кои се загрижени дека нивните интимни слики би можеле да бидат споделени на интернет без нивна согласност.“
Џи-јеон Ли (Ji-yeon Lee)
Универзитет за странски студии Хангук (Јужна Кореја)
Професор по психологија на советување
„Споделувањето на интимни слики без согласност може да има сериозни последици за жртвите и засегнатите лица. Кога овие слики се споделуваат на интернет без согласност, многу жртви чувствуваат срам, страв и вина, а таквите дејствија можат да доведат до сериозни реални ризици. Националниот центар за жртви на криминал гордо ја поддржува Линијата за помош за „одмаздничка порнографија“ (Revenge Porn Helpline) која обезбедување услуга што им дава избор на засегнатите лица, и им помага да ја вратат контролата врз својот живот. Ги охрабруваме сите технолошки компании да ја поддржат оваа иницијатива и да преземат соодветни мерки за да ги заштитат приватноста и безбедноста на засегнатите лица секогаш кога има обид да се споделат интимни слики.“
Национален центар за жртви на криминал
„Како организација која работи со маргинализираната LBQTI+ заедница во Северна Нигерија, една од најраспространетите форми на насилство со кои се соочуваат нашите заедници е сајбер малтретирањето и заплашувањето преку споделување интимни слики без согласност. StopNCII.org е навремена и проактивна иницијатива, и со нетрпение очекуваме да видиме како оваа алатка ќе помогне во создавање побезбедни простори на социјалните мрежи, додека соработуваме за заштита на правата, достоинството и безбедноста на дигиталните платформи.“
Women Initiative for Sustainable Empowerment and Equality (WISE), Нигерија
„Ја поздравуваме иницијативата на StopNCII.org. На нашата линија за помош разговараме со многу луѓе кои биле жртви на споделување неконсензуални интимни слики (NCII) или им се заканувале со нив. Овој нов процес ќе им даде сигурност на многу жртви, како и на потенцијални жртви, и значително ќе го намали бројот на штетна содржина на платформите што учествуваат. Се надеваме дека ова ќе ги охрабри и другите компании за социјални мрежи да преземат слични мерки, така што заедно ќе создадеме онлајн средина отпорна на злоупотреба.“
StopChikane, Данска
„Ова претставува значаен напредок во спречувањето споделување неконсензуални интимни слики, со што се става приоритет на автономијата на оние кои се најзасегнати и тие се известуваат за статусот на нивните слики, доколку тоа го сакаат. Отворената база на податоци за хашови е покана за сите технолошки компании да се приклучат и да покажат вистинска посветеност кон запирање на NCII.“
Take Back the Tech!
„Директориумот Lila.help, со кој управува Global Network of Women’s Shelters (GNWS), има за цел да ги упати жртвите на домашно и сексуално насилство кон проверени и доверливи невладини организации и линии за помош. GNWS со задоволство им помага на потенцијалните жртви на злоупотреба преку слики да добијат поддршка од StopNCII.org, со која раководи високо доверливата Линија за помош за „одмаздничка порнографија“ на Обединетото Кралство.“
Вивиен Хартлиф
lila.help gnws.org
Координатор на проектот Lila.help
„Агендата на Media Convergency е да го зголеми учеството на жените на интернет преку градење на нивните вештини за дигитална писменост и безбедност. StopNCII.org е одлична алатка која ќе додаде значителна вредност.“
Media Convergency, Танзанија
„Споделувањето неконсензуални интимни слики е сериозен и сложен проблем кој несразмерно ги погодува жените и девојките и може да предизвика психолошка, физичка и економска штета. Затоа, со задоволство ја поддржуваме глобалната промоција на StopNCII.org, која им нуди на жртвите доверлива и лесна платформа што придонесува кон создавање побезбедна онлајн средина за сите.“
The Women's Foundation, Хонгконг
„Насилството во дигиталните средини може да има сериозни долгорочни последици врз жртвите, поради што е важно да се најдат решенија за спречување ревиктимизација. Оваа иницијатива е дополнителен доказ дека технологијата може да стане сојузник во борбата против насилството врз жените и другите ранливи групи на интернет.“
Џулијана Куња (Juliana Cunha)
Safernet Brasil
Директорка
„Го поздравуваме пристапот на StopNCII.org со кој на потенцијалните жртви на NCII активно им обезбедува алатки за тие да преземат контрола и да се спротивстават на чувството на беспомошност и безнадежност што често го придружува насилството од интимен партнер со посредство на технологија. За многу жртви изложени на ризик од откривање, изборот да се спречи или ограничи ширењето на протечените чувствителни слики е клучен чекор кон намалување на штетата и е привилегија што не смее да се потцени. Со тоа што им овозможува на корисниците да генерираат хашови на своите слики, StopNCII.org директно се справува со загриженоста за доверба и доверливост.“
Digital Society Africa
„Жртвите на злоупотреба базирана на слики имаат различни потекло, искуства и потреби. И покрај овие разлики, тие генерално имаат три главни потреби за правда. Прво, сакаат поголемо признавање на противзаконитоста на дејствата на сторителот и на штетата што ја претрпеле. Второ, сакаат да имаат поголем избор со повеќе опции за да добијат правда, поддршка и ресурси. И трето, можеби најважно, жртвите на злоупотреба базирана на слики сакаат да ја вратат контролата над својот живот. Навистина, за многумина главен приоритет е нивната содржина да биде отстранета или симната брзо. Шемата StopNCII.org ги исполнува сите овие потреби. Тоа е пристап ориентиран кон жртвата, кој не само што настојува да ја пренесе неправдата и штетата од злоупотреба на слики до пошироката јавност, туку и ја враќа моќта во рацете на жртвата. Ова, исто така, испраќа важна порака до другите технолошки компании дека и тие можат подобро да реагираат на злоупотребата на слики. Според мене, оваа ажурирана шема ги одразува креативноста и потенцијалот на технолошките решенија кои, заедно со други мерки, можат да помогнат во борбата против злоупотребата и вознемирувањето на интернет.“
Никола Хенри (Nicola Henry)
Кралски институт за технологија во Мелбурн, Австралија
Центар за социјални и глобални студии
„Еден од најразорните аспекти на NCII за жртвите е постојаната закана дека нивните интимни фотографии може да бидат споделени без нивна согласност или знаење, како и траумата додека се прашуваат дали токму денес ќе се случи тоа. Оваа иницијатива на Revenge Porn Helpline директно одговара на тие штети и нуди механизам за спречување на NCII. Како некој што со години ги истражува последиците од NCII, навистина сум среќен што гледам ваква иновативна употреба на технологијата за спречување NCII, и искрено се надевам дека сите социјални мрежи, пребарувачи и веб-страници ќе се приклучат за да ја поддржат алатката StopNCII.org и заедно да работат кон искоренување на NCII.“
Ашер Флин (Asher Flynn)
Универзитет Монаш
Вонреден професор по криминологија (Австралија)
„Ширум светот, заканите за споделување интимни фотографии без согласност се сѐ почеста компонента на семејното насилство и присилната контрола. Глобалното проширување на иницијативата NCII има потенцијал да им обезбеди на жртвите на семејно насилство ефикасна алатка за одговор на овие закани. Ги поздравуваме вредните напори што ги предводи StopNCII.org за да ги оспособи жртвите на семејно насилство и да го направи интернетот побезбедно место за сите.“
Марија Рун Бјарнадотир (María Rún Bjarnadóttir)
Национален комесар на исландската полиција
Директорка за безбедност на интернет